【#哈妃教你輕鬆煮 】

鮑魚雞翼煲

材料（2人份量）

紹酒、糖、生抽、生粉、薑、蔥、蒜、乾蔥、蠔油、雞湯 x 適量、新鮮鮑魚 x 4-6隻、雞翼 x 10-12隻

做法：   

Step1.  將雞翼拆骨後，用紹酒、糖、生抽醃15分鐘

Step2. 新鮮鮑魚𠝹花，備用

Step3. 用薑、蔥、蒜頭、乾蔥爆香鍋

將醃好嘅雞翼拍少量生粉，落油鍋煎h香加入蠔油、清雞湯（或水）燜至收水即將收水時，加入鮑魚炒至均勻熟透，撒蔥花，完成

【#哈妃教你輕鬆煮】

雞球支竹淮山金蠔一品煲

材料：雞球、枝竹、鐡棍淮山、流浮山 金蠔、薑片、油、豉油、蠔油、紹興酒

做法：

Step1.    雞球可以用現成或用雞翼去骨及雞扒切片代替也可

Step 2.   加少許油爆香薑片，放雞球、枝竹、鐡棍淮山炒一炒

Step 3.  倒少量豉油調味，再加滾水蓋上鍋蓋用大火熬煮

Step 4.  加入流浮山金蠔，繼續煮至收 汁，最後用蠔油及紹興酒調味即完成

【#哈妃教你輕鬆煮】

鰹魚汁油揚甘筍魷魚煲仔飯

材料：魷魚、米、油揚、甘筍、鰹魚汁

做法：

Step1. 洗好米後加滾水大火煲煮5-8分鐘

 Step 2. 米飯煮好之後，將魷魚、油揚和甘筍鋪在表面蓋上煲蓋焗，最後以鰹魚汁即可

【#哈妃教你輕鬆煮】

材料（2人份量）：

鰹魚汁、水各半袋（以赤鯛魚鮫嘅包裝袋為基準）油 x 少量

赤鯛魚鮫 x 4隻

做法：

先將鰹魚汁、水同少量油落鑊煮滾然後加入赤鯛魚鮫一齊煮至收汁即 成

【#哈妃教你輕鬆煮】

頭抽炒豆乾梅頭肉 ，用咗日本鹿兒島最盛名嘅梅肉片，脂肪分佈平均，咬落肉質軟腍、肉味香甜，炒出嚟係非一般咁好食！

材料（2人份量）：

豆乾、冬菇絲、乾蔥、生粉、生抽、雞湯 適量

日本鹿兒島梅肉片 x 1包

做法：

先將豆乾及梅頭片切條，梅頭片沾生粉以免黏鑊， 爆香乾蔥，再加入梅頭片、豆乾、冬菇絲炒，用生抽調味

最後加少許雞湯煮至收水即可，完成

【#哈妃教你輕鬆煮】

蕃茄洋蔥仙台牛

材料：

蕃茄兩個、洋蔥一個

豉油、糖、油、頭抽、蔥 、仙台牛燒肉片

做法：

Step1. 仙台牛片，用豉油、糖、油醃

Step2. 洋蔥和蕃茄切塊，落鑊爆香再加仙台牛用大火炒，用頭抽調味，再放蕃茄繼續用大火炒，加蔥即可

【#哈妃教你輕鬆煮】

酸菜魚都可以自己煮到？冇錯！呢煲日本真鯛酸菜魚材料豐富，用咗上乘嘅日本宮城真鯛魚，比一般酸菜魚更加鮮味！       

材料（2人份量）：

酸菜絲、大豆芽、金菇、蒟蒻絲、芫茜、芹菜 、糖、鹽、味醂 x 適量

清雞湯 x 1包

宮城真鯛魚x 1條

做法：

Step1. 先將宮城真鯛魚切片，用魚骨、魚頭熬濃湯

Step2. 將濃湯隔渣，加入酸菜絲、金菇、蒟蒻絲、之後加入大豆芽、真鯛魚片一齊滾、再加入芫茜、芹菜，落糖、鹽吊味、最後落味醂，完成

【#哈妃教你輕鬆煮】

豬筋炆鮑魚

材料（4人份量）

乾豬筋

薑、昆布鰹魚汁、糖、味醂、生抽、威士忌 適量、利源唐南非鮑魚 、炸豬筋，再泡水兩日

做法：

Step 1. 利源唐南非鮑魚連汁一起炆，加入豬筋、薑、昆布鰹魚汁和少量威士忌、用糖、味醂、生抽調味, 大火炆至湯汁剛好在材料一半，再調小火炆至收汁即可

【#哈妃教你輕鬆煮】

蜜糖燒雞翼

材料（2人份量）

鹽水、生抽、老抽、胡椒粉、鰹魚汁 x 適量、無激素雞翼 x 1包

做法：

Step1. 先用鹽水浸泡雞翼解凍，汆水將雞翼用生抽、老抽、胡椒粉、鰹魚汁醃好

Step 2. 放入焗爐用200度焗15分鐘

Step 3. 最後將蜜糖掃上雞翼，用230度焗5分鐘即成

【#哈妃教你輕鬆煮】

雲耳沙茶炒和牛內裙邊

牛嘅稀有部位嚟㗎，炒出嚟牛味香濃，口感仲好軟淋嫩滑添！       

材料（2人份量）

生抽、糖、油、紹興酒、麻油、蔥、芹菜 x 適量、雲耳 x 適量、沙茶醬 x 匙羹、日本和牛內裙邊 x 1盒

做法：

Step1. 先將和牛內裙邊用生抽、糖、油醃好

Step2.  加入紹興酒、麻油，落鑊炒和牛內裙邊及雲耳、之後加入兩匙羹沙茶醬

Step3. 最後落埋蔥、芹菜一齊炒，完成

【#哈妃教你輕鬆煮】

腐乳炸排骨 

材料（2人份量）：

鷹粟粉、糖、少量鹽、油、生粉、蕃薯粉、紹興酒 x 少量、腐乳 x 6粒、西班牙小排骨 x 半包

做法：

Step1. 先用鷹粟粉將小排骨洗乾淨，再用廚房紙巾印乾，落糖、少量鹽、油同紹興酒醃住小排骨

Step2. 用紹興酒將腐乳搞拌至稀身、醃好嘅小排骨加入生粉，再倒埋準備好嘅腐乳一齊搓勻

Step3.  最後加蕃薯粉入小排骨再搓到均勻，就可以落鑊炸啦

Step 4. 炸到金黃色，放在廚房紙上吸去多餘油份，就可以上碟

【#哈妃教你輕鬆煮】

紫薑炒和牛內裙邊(四人份)

材料：

紫薑、糖、油、生抽、紹興酒、生粉 適量、和牛內裙邊 *2 pack

做法：

Step1.  和牛內裙邊，用糖、油、生抽醃，加少許紹興酒會更加香，再沾一點生粉

Step2. 和牛內裙邊落鑊炒，最後加紫薑調味

Step3. 個人喜好可加蔬菜如西蘭花、菜心烚熟後伴碟

【#哈妃教你輕鬆煮】

今日介紹個餸飯一流，非常惹味嘅菜式比大家。呢道紅紅橙橙嘅蕃茄煮鯖魚 ，呢個菜式用來自日本鳥取嘅燒鯖魚，採用日本蒸燒技術製作，保存咗鯖魚嘅營養，同時肉質亦非常鮮嫩多汁，最重要係一啲都唔會腥！       

材料（2人份量）：

油、洋蔥、乾蔥 x少量

鰹魚汁 x少量、小蕃茄 x 10粒、日本鳥取燒鯖魚 x 1包

做法：

Step1.  將鯖魚解凍，等待期間可以先爆香洋蔥、乾蔥

Step 2. 解凍後將鯖魚煎香，煎到一邊香脆之後，反轉去另一邊時加入蕃茄

Step3. 落完蕃茄後唔需要再加水，只需要加返少少鰹魚汁調味

Step4. 用慢火炆一陣間，等到蕃茄同醬汁融為一體，就上得碟！

前後10分鐘內就煮好呢碟餸酸酸甜甜嘅開胃餸菜，實在好味到白飯都添多幾碗              

【#哈妃教你輕鬆煮】

魚肚雞腿錘(四人份)

材料：

芝麻、麻油、昆布鰹魚汁適量

乾身魚肚 隨喜、宮崎雞槌 x1包

做法：

Step1. 用水浸魚肚至發漲狀態備用

Step2. 雞腿用鹽水烚去除雪藏味，再過冷河

Step3. 魚肚和雞腿用昆布鰹魚汁炆煮至收乾水，隨喜好加芝麻或麻油調味即可

【#哈妃教你輕鬆煮】

草菇蒸西班牙小排骨       

材料（2人份量）：

鷹粟粉、糖、少量鹽、胡椒粉、油、生粉、薑絲、紅椒絲、蔥絲、紹興酒 x 少量、罐頭原粒草菇 x 1罐

西班牙小排骨 x 半包

做法：

Step1. 將罐頭原粒草菇一開二備用

Step2. 用鷹粟粉將小排骨洗乾淨，再用廚房紙巾印乾

Step3. 用糖、少量鹽、胡椒粉、油同紹興酒醃小排骨15分鐘

Step4. 再加豉油同生粉搓勻小排骨加入準備咗嘅草菇、薑絲、紅椒絲同小排骨一齊蒸15 - 20分鐘

Step5. 蒸好後再加入蔥絲、乾薑絲、豉油同熟酒調味就完成啦

【#哈妃教你輕鬆煮】

豚肉味噌湯   

材料（2人份量）：

水、白蘿蔔、紅蘿蔔、蓮藕 x 適量

蒟蒻 x 適量、麵豉 x 3湯匙

日本阿蘇自然豚腩片 x 1包

做法：

Step1. 先將每條豚腩片一開四，備用

Step2. 煲滾水後，加入將切好嘅白蘿蔔、紅蘿蔔、蒟蒻、蓮藕、豚腩片一齊煲

Step3. 煲滾後，轉至中火將材料煲到腍身入味

Step4. 煲到紅蘿蔔腍身後佢嘅油份浮上面，白蘿蔔亦呈透明時，就可以落三湯匙麵豉

Step4. 再用大火煲滾就飲得！

【#哈妃教你輕鬆煮】

粉絲蝦煲

呢道菜選用咗日本頂級白蝦肉，蝦味濃郁、肉質鮮美彈牙，加上簡單嘅調味就可以輕鬆整到呢道家常經典菜式喇！

材料（2人份量）：

乾蔥、牛油、蠔油、生抽、老抽、味淋、雞湯 x 適量、蝦 x 8-10隻、粉絲x 1 包

做法：

Step1. 先將粉絲用熱水浸泡，待稍稍變軟後，瀝乾水放一邊備用

Step2. 清理好蝦嘅內臟，大火落鑊將蝦炒至半熟，取出待用

Step3. 乾蔥切碎，加入牛油爆香

Step4. 放入粉絲，加入生抽、老抽、蠔油、味調味醂

Step5.  將粉絲炒至乾身，再加入些許雞湯、加入蝦炒至熟透，完成！

【#哈妃教你輕鬆煮】

紅蘿蔔洋蔥炆宮崎雞槌  

紅蘿蔔洋蔥炆宮崎雞槌用嘅係來自宮崎嘅農場雞，當地嘅雞肉非常出名，肉質嫩滑之餘，又有嚼口，無論大人細路都啱食       

材料（2人份量）：

白砂糖、醬油、蠔油、水、紹興酒 x 少量、紅蘿蔔 x 半條、洋蔥 x 1個、宮崎雞槌 x 1包

做法：

Step1. 先將紅蘿蔔切開備用，再將一個洋蔥切開6大片，然後爆香

Step2. 落一茶匙白砂糖，再加入雞槌爆香

Step3. 加入紹興酒、醬油同埋蠔油同雞槌一齊炆

Step4. 加適量水，等雞槌收縮至見骨時，再加入紅蘿蔔入去炆

Step5. 炆到收乾水就可以上碟開餐啦

呢道紅蘿蔔洋蔥炆宮崎雞槌不但「平、靚、正」，仲可以好快就煮好！

【#哈妃教你輕鬆煮】

呢道洋蔥蒟蒻炒豚腩片，用咗日本熊本縣阿蘇自然豚腩片，天然無激素、肉味濃郁，加上有惹味嘅芝麻醬調味，淨係睇相已經流晒口水啦       

材料（2人份量）：

洋蔥、蒟蒻絲、冬菇絲、青蔥x 適量

芝麻醬、生抽、麵豉x 適量、日本阿蘇自然豚腩片x 1包

做法：

Step1.  先炒洋蔥，加入豚腩片一齊炒香、再落蒟蒻絲同冬菇絲一齊炒

Step2. 加入用生抽、芝麻醬同麵豉調配好嘅醬汁

Step3. 將所有材料炒勻上碟，放上青蔥，完成

【#哈妃教你輕鬆煮】

阿蘇自然豚腩肉加南瓜溏心蛋(四人份)

材料：

南瓜、雞蛋、鹽、昆布鰹魚汁、薑、味醂、豉油、芝麻、阿蘇自然豚腩肉*1 份

做法：

Step1. 將阿蘇自然豚腩肉和南瓜切塊

Step2. 滾水中放鹽烚蛋，大火煮五分鐘，關火閒置八分鐘，待鍋中的水變涼

Step3. 雞蛋沖冷水後剝殼，再用昆布鰹魚汁加水大火煮，之後雪藏一晩，汁液要過面

Step4. 蒸南瓜八分鐘，軟度可以用牙簽刺穿即可，不要太軟

Step5. 阿蘇自然豚腩肉下鑊不用油，加薑煎到金黃色，以味醂、豉油炆煮至收乾水，放南瓜繼續炆，最後灑一些芝麻。溏心蛋切開一半放在一起即可上碟

【#哈妃教你輕鬆煮】

金蠔枝竹煲

選用嘅流浮山金蠔味道濃郁，口感煙韌，非常適合用嚟炆煮 ，蠔身保留咗四成水分，大隻飽滿之餘，入口仲有肉汁，一啲都唔乾㗎       

材料（2人份量）：

薑片、生抽、糖味醂、清雞湯、水 x 適量、枝竹 x 適量、流浮山金蠔 x 10隻

做法：

Step1. 先清洗金蠔，用廚房紙巾印乾

Step2. 將金蠔同枝竹放入煲排好再加入薑、生抽、糖、味醂調味

Step3. 最後將清雞湯同水加至蓋過面，炆到收乾水即完成

【#哈妃教你輕鬆煮】

金蠔冬菇炆豆腐    

呢碟餸所用嘅日本金澤豆腐扒係由豆腐乾所製成，喺炆煮嘅過程中，豆腐扒就好似海綿咁吸收到好多醬汁同其他食材嘅精華，會炆得非常入味       

材料（2人份量）：

蠔油、生抽、老抽、冰糖、水 x 適量

冬菇 x 8-10粒、日本金澤豆腐扒x 5 件

、流浮山金蠔 x 5隻

做法：

Step1. 先將金蠔洗乾淨，之後煎香佢

Step2. 再將金蠔、豆腐扒同冬菇放入煲、加入用蠔油、生抽、老抽、冰糖同水調配好嘅醬汁

Step3. 將所有材料一齊炆熟就完成

【#哈妃教你輕鬆煮】

金針雲耳淮山和牛煲 

和牛煲用咗日本A5和牛牛肩 ，牛肩胛係位於牛嘅前肢膊頭位置，因為活動量多，食起上嚟肉質結實之餘亦好有彈性，而且油脂分佈平均，牛味仲非常鮮香       

材料（2人份量）：

壽喜燒汁、味醂，雲耳 x 適量，金針x 適量，淮山 x 半條，A5和牛牛肩片 x 1包

做法：

Step1. 先將雲耳同金針分別用水浸好，然後將淮山削皮切斷

Step2. 將雲耳、金針同淮山放入已落油嘅鑊，再加入壽喜燒汁、味醂同少量糖一齊煮

Step3. 煮到材料吸收咗大部分醬汁時，將材料移放到另一個煲繼續㷫熱

Step4. 將和牛肩片放入剩餘嘅醬汁入面煮，幾秒時間和牛肩片就可以起鑊

 Step5. 將熟咗嘅和牛肩片連同醬汁倒入裝住其他材料嘅煲度，最後就可以一邊㷫住開餐啦

【#哈妃教你輕鬆煮】

芫荽皮蛋魚鮫湯

材料：芫荽、皮蛋、魚鮫、油、鹽、糖

做法：

Step1. 用少許油，大火煎魚鮫至金黃色

Step2. 倒入100度的滾水，加入皮蛋並用鹽和糖調味

Step3. 熬煮到湯變成白色，加芫荽即可

【#哈妃教你輕鬆煮】

芙蓉蛋

材料：雞蛋、火腿、叉燒絲、芽菜

（也可以選擇自己喜歡的材料）

做法：

Step1. 將火腿、叉燒絲和芽菜下鑊炒一炒

Step2. 將所有材料盛起，再加入蛋液混合

Step3. 將蛋液倒鑊中煎至金黃色即可

【#哈妃教你輕鬆煮】

西芹蘑菇炒日本梅肉片

材料（2人份量）：

油、糖、鹽、生抽、紹興酒、昆布鰹魚汁x 適量、西芹、蘑菇 x 適量、日本鹿兒島梅肉片 x 1包

做法：

Step1. 先用油、糖、鹽、紹興酒醃一醃梅肉片

Step2. 醃好梅肉片後，落鑊大火炒香

Step3. 加入西芹、切片嘅蘑菇，以及少量生抽調味

Step4. 最後再加入昆布鰹魚汁炒勻，完成

【#哈妃教你輕鬆煮】

甘筍薯仔梨汁炆牛尾

重點係要加入山形梨汁，呢隻梨汁無糖無添加，會令牛尾更加嫩滑㗎       

材料（2人份量）：

生抽、鹽、水x 適量、山形梨汁 x 2罐

牛尾 x 2斤、甘筍 x 2條、薯仔 x 6個

做法：

Step1. 牛尾洗乾淨，用廚房紙印乾水，拍上一層薄薄嘅鷹粟粉待落油鍋

Step2.  兩粒乾蔥落鍋爆香，放入牛尾，煎至兩面金黃

Step3. 加入2罐山形梨汁煮滾

Step4. 加生抽、鹽、薯仔再煮滾

Step5. 轉移至真空煲炆2小時

Step6. 將所有材料撈出，加入甘筍，落鍋收乾水就完成

【#哈妃教你輕鬆煮】

金蠔肉鬆生菜包       

用嘅係本地薑流浮山金蠔，隻隻都重量十足，又大隻又肥美。生曬金蠔保留咗30%-35%嘅水份       ，所以煮完口感都唔會好乾       

材料（2人份量）：

乾蔥頭、油、胡椒粉、豉油、糖

紹興酒 x 少量、肉鬆 （份量隨自己喜好）、流浮山金蠔 x 10隻

做法：

Step1. 先將金蠔灼熟，再用凍水沖洗，之後切成方形小粒

Step2. 將乾蔥頭起油爆鑊，加入金蠔粒炒香

Step3. 加埋適量嘅紹興酒、胡椒粉、豉油同糖，一齊炒到乾身

Step4. 最後將生菜剪成兜嘅形狀，就可以包住啲金蠔同肉鬆嚟食！

【#哈妃教你輕鬆煮】

仙台牛薄燒       

用嘅「宮城縣仙台牛」係日本和牛之中嘅A5極品，肉質柔軟細滑，脂肪分佈均勻，配上簡單嘅材料就即刻食得！

材料（2人份量）：

蔥 x 1束，蒜片 x 適量，薄切仙台牛 x 3 - 4片

做法

Step1. 先以大火將鑊燒紅

Step2.  逐步放入仙台牛，利用餘溫將牛肉煎至半熟

Step3. 將蔥放上仙台牛肉再捲起，捲好後先放上碟備用

Step4. 最後將準備好嘅牛肉捲加入壽喜燒汁，再兜兩兜就可以上碟，切開就食得！       

【#哈妃教你輕鬆煮】

日本佐賀呼子魷魚非常特別，佢係可以一味兩食㗎！

第一味係佐賀魷魚白色通透亮澤嘅刺身部份，已經切好一條條，只需要食之前解凍就得 ；第二味就係今日要教大家煮嘅炒佐賀魷魚啦！       

材料（2人份量）：

豉油 x 適量，西芹、豆腐乾 x 適量，

佐賀名物呼子魷魚 x 1包

做法：

Step1. 先剪走魷魚嘅眼部，再將魷魚嘅鬚同翼切條

Step2. 落鑊後加入切咗絲嘅西芹同豆腐乾 

Step3. 用豉油快炒爆香，兜一兜就可以上碟！

一包佐賀名物呼子魷魚就可以食到刺身嘅鮮甜，又可以食到香口惹味嘅炒魷魚，生熟兩食夠晒抵食！       

【#哈妃教你輕鬆煮】

只要有好嘅食材，煲仔飯都可以好方便就整到！呢道仙台牛煲仔飯做法非常簡單，加入咗仙台牛扒仲特別好食，特別鮮香！喺「宮城食材料理包」就買到仙台牛扒啦       

材料（2人份量）：

米、蒜片、芝麻、豉油 x 適量

仙台牛 x 1塊

做法：

Step1.  先放入啱自己份量嘅米落煲，用滾水煲熟

Step2. 將仙台牛扒煎至香脆，放一陣

Step3. 仙台牛扒、蒜片、芝麻同豉油加入煲仔飯，蓋上蓋，裏面熟透後，就可以食啦